Lokale besøkskveldar til marknadshagar i Vestland
Endeleg! No kan du melde deg på lokale besøksrunder til småskala grønsaksprodusentar som er i startfasen eller i god drift: kvar torsdag i august og fyrste torsdagen i september kl 18-20 kvar gong.
Det har lenge vore etterspurt lokale besøksrunder hjå småskala grønsaksprodusentar i same kommune eller i nabokommunen. Då blir det mindre reiseavstand og lettare å ta kontakt med kvarandre seinare. Gardane som har aktiv drift i dag, og kor det ikkje har vore markvandringar før, har blitt inviterte til å vere vertskap for besøkrundene.
kl 18-20 KVAR TORSDAG I AUGUST + første torsdag i sept
Påmelding er viktig for å kunne førebu besøket, og du får melding om adresse etc. nokre dagar før.
Det er produsent(ane) på garden som er vertskap for besøket - i utgangspunktet er det ingen rådgjevar tilstades. Med andre ord er det tenkt som eit møte mellom kollegaer.
Så meld deg på så mange marknadshagebesøk du vil og får til! Me håpar mange vil prioritere desse torsdagsmøtene i år, då dette er siste prosjektår og få ressursar til slike initiativ framover.